Azərbaycanca По-русски In english
Ana südünün artırılması və faydası barədə məsləhətlər

Ana südünün artırılması və faydası barədə məsləhətlər
Ana südünün artırılması və faydası barədə məsləhətlər
Əziz analar, inşallah hazırladığım xəbər köməyinizə çatar. İlk öncə onu bildirmək istəyirəm ki, bütün şirin körpələrimiz 6 ayına kimi sadəcə ana südü ilə qidalanmalıdır. Hətta bu bir şərtdir ki, süd yoxdursa əlavə süd qidalarından başqa bir yeməklə körpə qidalanmamalıdır. Bəzi mütəxəsislər deyir ki, 6 ayından əvvəl süddən əlavə başqa qida ilə qidalanan uşaqlarda müəyyən yaşa çatdıqda bəzi mədə bağırsaq xəstəlikləri ola bilər. Ona görə də çalışaq ki, körpələrimizi ana südü və ya süni süd yeməkləri ilə qidalandıraq. Amma ən əsası ana südüdür. Lakin bəzi analarımız südünün uşağına çatmaması barədə gileylənir, buna görə də mən bu xəbərimdə ana südünün artması, artırılması və faydalarından danışacağam.

Ana südünün körpəyə və anaya faydaları
Ana südü ilə qidalanan körpələrdə infeksiya xəstəliklərinə az rast gəlinir, beyni daha yaxşı inkişaf edir, allergik xəstəliklər və s. kimi başqa bir çox xəstəliklərə daha az rast gəlinir. Süd verən analarda isə döş xərçəngi, yumurtalıq xərçəngi və qanazlığına daha az rast gəlinir.
Mən bu haqda bir çox insanlardan və bir çox məlumatlardan çox şeylər öyrənmişəm. Əvvəllər özüm də çox gileylənirdim ki, südüm azdır. Amma sən demə belə deyilmiş. Əvvəllər körpəmiz çox balaca olduğu üçün südümüz ona çatır, amma körpəmizin həftəsi böyüdükcə südün azaldığını hiss edirik, bu an nə etmək lazımdır? Ən vacibi ana körpəsini əmizdirərkən elə etməlidir ki, körpəsi onun döşündə olan südü tam əmib boşaltsın, bu anda beyinə siqnal ötürülür ki, süd azlıq edir və beləliklə süd ifrazi artmağa başlayacaq. Əlbəttə ki, bu ilk gündən başlamayacaq, bir az səbr etmək lazımdır. Əgər döşdə olan südü tam boşaltmasanız, beyinə siqnal ötürülür ki, bu süd artıqdır, beləliklə süd ifrazı azalmağa başlayır (Və gecələr daha çox əmizdirin, bu da süd artımına köməkdir).
Süd artımının başqa yolları

Ən vacib olan şey - Hər əmizdirmədən sonra 1 stəkan maye qəbul etməkdir. Hətta ana südünün artmasında səbəb bütün (düzdür çox çətin olsa da) günün xoş əhval-ruhiyyədə keçməsidir. Süd verən ana gündəlik 1 yumurta, 1 stəkan süd, mal əti, toyuq əti, balıq əti kimi proteinli qidalar yeməlidir ki, gündəlik bədənə lazım olan ehtiyacını qəbul edə bilsin. Hər gün meyvə tərəvəz yeyilməlidir, bununla yanaşı ağartı məhsulları da yeməlidir. Ana südünü artıran bir çox şeylər var: xüsusilə şüyüd, razyana, darçın və s. Hətta ana südünü qarın bölgəsini gündə 2-3 dəfə 1-2 dəqiqə masaj etməklə də artırmaq mümkündür. Bununla yanaşı hər gün təmiz havada olmaq da ana südünü artırır.
Südü azaldan qidalar
Xalq arasında süd artsın deyə süd verən anaya bol-bol şərbət, çoxlu şirniyyat kimi qidaların süd artırdığını deyirlər. Amma bunların heç biri süd artımına kömək olmaz. Çalışın ki, un məmulatlarından tam da olmasa müəyyən qədər uzaq durasınız. Bir də hamı qatığın südü azaltdığını deyir, bunun nə dərəcədə doğru olduğunu bilmirəm. Çünki, süd əmizdirdiyim vaxtlarda qorxudan qatıq yemirdim. Mən özüm ən çox düyü yeməkləri və qarabaşaq daha çox yeyirdim, qarabaşaq həm ananı artıq çəki almağa qoymur, həm də südü artırır. Ana südünü azaldan bəzi qidalar var. Məsələn: kartof, nanə (cövhərli olan), cəfəri, nişasta unu, arpa və arpa unundan hazırlanmış qidalar, çox duzlu yeməklər, sirkə, limon suyu və s. Hətta ananın əsəbi narahat olması, qorxması da ana südünün azalmasına səbəb ola bilər.
Əziz analar, körpələr bizim gələcəyimizdir, bu gələcəyin təməlini körpələrimiz qoyur. Çalışın ki, bacara bildiyiniz qədər körpənizi südlə qidalandırın. Çox analar bədən fiqurasının pozulmasından şikayət edərək körpəsinə süd vermir. Bu ən böyük günahdır, onun bu haqqını əlindən almayın və yaxud ana 20-25 dəqiqə çox uzun vaxt çəkir deyə körpəsini süddən kəsir ki işlərim var, hövsələm çatmır kimi ortaya səbəbsiz dəlillər gətirir. Amma əziz analar, bizim körpəmizdən vacib heç bir işimiz ola bilməz, körpənizi bacardığınız qədər əmizdirin. O hissi yaşamağa çalışın, süd verərkən analıq hissini keçirmək çox əziz şirin bir hissdir.скачать dle 10.3фильмы бесплатно




Rəy bildir



Bənzər xəbərlər

Boyun sağlamlığa təsiri

Çoxsaylı elmi araşdırmalar nəticəsində məlum olub ki, insanın boyu onun sağlamlığına təsir edir....

Beş yaşadək uşaqlarla bağlı şad xəbər

Azərbaycanda müntəzəm şəhərdaxili (rayondaxili) avtobus marşrutlarında 5 yaşadək uşaqlar ödənişsiz...

İnkişafdan qalmış hamiləlik

Bu hamilə qadın üçün ən qorxunc diaqnozlardan biridir. Bir çox qadınlar inkişafdan qalmış...

İnformasiya
Qonaq qrupunda olanlar istifadəçilər bu Xəbəra şərh əlavə edə bilməz.