Bakıda I siniflərə elektron qəbul başlayır

2018-2019-cu dərs ilində Bakı şəhərində I sinfə şagird qəbulunun elektron sistemlə həyata keçirilməsinə fevralın 22-dən (saat 10:00), Gəncə, Sumqayıt şəhərləri və Abşeron rayonunda isə martın 12-dən start verilir.

Oxu.Az xəbər verir ki, bunu Bakı Şəhəri üzrə Təhsil İdarəsinin (BŞTİ) sektor müdiri İlhamə Abdullayeva bildirib.

O deyib ki, I sinifə şagird qəbulu valideynin (qanuni nümayəndənin) elektron ərizəsinin mektebeqebul.edu.az saytında qeydiyyatı yolu ilə həyata keçiriləcək:

“Sentyabrın 15-dək davam edən elektron ərizənin qeydiyyatı prosesində valideynlər məktəbi, təlim dilini və müəllimi seçməlidirlər”.

Sektor müdiri qeyd edib ki, ümumi təhsil müəssisələrinin I siniflərinə 15 sentyabr tarixinədək 6 yaşı tamam olan, Təhsil Nazirliyi tərəfindən müəyyən edilmiş qaydada xüsusi istedadlı uşaqların vaxtından əvvəl I sinifə qəbulu üzrə müsahibədən uğurla keçmiş, 16 sentyabr 2012-ci il tarixindən 31 dekabr 2012-ci il tarixinədək olan dövrdə anadan olmuş və dövlət ümumi təhsil müəssisələrində ödənişsiz məktəbəhazırlıq qrupunu bitirmiş uşaqlar qəbul edilir:

“Məktəbəhazırlıq qruplarında təhsil alan uşaqların valideynlərinin istəyini nəzərə alaraq onların I sinifdə də eyni sinifdə komplektləşdirilməsi və eyni müəllimə həvalə olunması nəzərdə tutulur.

Bu qayda 2017-2018-ci tədris ilində məktəbəhazırlıq qruplarında dərs deyən, 2018-2019-cu tədris ilində I sinifdə tədris aparması planlaşdırılan müəllimlərin dərs dediyi siniflərə şamil olunmur”.скачать dle 10.3фильмы бесплатно

Rəy bildir

Bənzər xəbərlər

İlham Əliyev 240 yerlik körpələr evi-uşaq bağçasının əsaslı təmirdən sonra açılışında iştirak edib

Prezident İlham Əliyev “Gəncə Avtomobil Zavodu” İstehsalat Birliyinin balansında olan 240 yerlik...

Valideynlərin diqqətinə: Azərbaycanda uşaq "Kinder"dən zəhərləndi

Azərbaycanda uşaq "Kinder Joy" adlı şokoladlı yumurtadan zəhərlənib. Milli.Az qafqazinfo-ya...

Binəqədidə evləri su basdı – VİDEO

Binəqədi rayonu, Xocahəsən yolu, 103 ünvanında yaşayan sakinlərin evlərini su basıb. Oxu.Az...